Arsenal hi invincible an ni leh thei ang - Mourinho

Chelsea manager Jose Mourinho chuan Arsenal chuan player ṭha pali lei belh sela chuan kum 2003-2004 invincible team ang kha an din leh theih a rin thu a sawi.

Chel­sea hian Premier League table-ah point 10-in hma an hruai fal mek a, an hmelma leh elpui Arsenal chu Pathianni zan khan Emirates Stadium-ah goal awm loin an inhnehtawk pui a ni.

Portuguse manager Mourinho chuan, "Tun hma aiin Premier League hi a harsa tawh a, hnehsawh taka thunun tu nih phei chu harsa tak tur a ni ang. Chutiang ti thei tur chu Arsenal hi an niin ka ring. Season tharah Arsenal hian player ṭha pali tal an lalut anih chuan an player neihsa te nen hian 'invincible team' an din leh theih ka ring," tiin a sawi.

Sawi chhunzawmin Mourinho chuan, "Man­ches­ter United leh Man­chester City te hian sum tam tak sengin player an lakhawm a, mahse an hlawhtling nghal pur pur bik lem lo. Liverpool pawhin sum an hmang tlem bik lo a, player ṭha tak tak an kawl bawk. Germany a Bayern Munich leh Switzerland a Basel-in ro an rel ang ngawt hian England-ah chuan a ni ve lo a, kumtharah chuan champion nih a harsa lehzual ang," tiin a sawi.