Williams-in pound maktaduai 42.5 hloh

Formula one team Williams chuan season hmasa khan an chet chhiat em avangin pound maktaduai 42.5 an hloh.

Season hmasa khan Williams hi Constructors' Championship-ah pakuana an ni a, an team history a an chet chhiat ber ṭum ala ni. He vang hian an lawmman sum fai dawn leh sponsorship-ah nasa takin an tlakhniam phah a ni.

Williams team hian kum 1978 aṭang khan Constructors' championship-ah an tel ṭan tawh a, vawi kua zet Constructors' champion an nih tawh bakah Drivers' championship-ah pakhatna vawi sarih lai an ni tawh bawk.

Kum 2013 khan Williams hian pound maktaduai 71.2 an hlawhchhuak a, nikum khan hma sawn hretin pound maktaduai 106 an hlawhchhuak thung. Hetia kum khat chhunga hmasawnna an neih leh theih chhan hi an hnathawk mi 660 hnenah pound 3,000 ṭheuh bonus an pek rahchhuah ni ngeiin an ngai bawk.

Williams executive Mike O'Driscoll chuan, "Kum 2013-ah khan season duhawm lo tak kan hmang a, nikumah erawh hma kan sawn hret. Kuminah hi chuan kan kum hmasa lama kan chanchin duhthusam lo lai te theihnghilhin hmalam kan pan a hun tawh a ni. Intlansiak pathum kan hmachhawn tawh aṭangin duhthsam ni rih lo mah se hmasawnna kan hmu a, season ṭha tak kan hman ngei ka beisei," tiin a sawi.