I League U19 AIFF Elite Academy an chak zel

Thawhlehni zan khan AIFF Elite Academy-in an khingpui Hindustan FC U19 chu 2-0 in an hneh a, point 10 hmuin I Lea­gue U19 hmahruaitu an ni.

AIFF Elite Academy tan Malsawmzuala leh Daniel Lalhlimpuia te'n starting eleven an chang a, goal erawh an khung lo. Inkhel dangah Mohun Bagan U19 te'n Mizo tamna DSK Shivajians U19 3-2 in an hneh hram a, Shivajians goal hnih hi Lallianzuala khung a ni.

Nizan khan Chanmari FC U19 leh Pune FC U19 an inkhel a, hrem vangin K. Lalchhanhima leh inhliam vangin defender Lalramthlamuana a inlan thei lo a, result kan hre hman lo.

Vawiin tlai hian Hin­dustan FC U19 leh DSK Shivajians U19 te an inkhel ang a, zan lamah Mohun Bagan U19 leh AIFF Elite Academy te an inhmachhawn bawk ang.