Ligue 1 PSG-in hma an hruai leh ta

Tun season-ah French Ligue 1 champion tuma inum palian pahnih an awm a, Lyon leh Paris Saint-German an ni. Anni pahnih hian hma an inhruai chhawk zak zak reng.

Thawhlehni zan khan PSG chuan an khingpui table hnuai ber dawta awm mek Metz chu 3-1 a hnehin Ligue 1 hma an hruai leh ta a, match 34 khelh tawh aṭangin point 71 hmu tawhin hmahruai tu an ni. anmahni hnaih ber tu Lyon chuan match khelh zat inangah point thumin an phak lo mek.

Marco Verratti leh Edinson Cavani te goal khat ve ve thun hmangin PGS-in first half-ah 2-0 in hma an hruai. West Ham aṭanga loan-a an hawh Modibo Maiga chuan Metz tan goal khat khung ve mah se Gregory van der Wiel chuan goal khung ve lehin an chakna a rawn nemnghet zui ta a ni.

He inkhel a PSG goal thun tur pathum siamsak vek tu Javier Pastore chuan, "He club ka zawm hnuah tun season hi ka khelh ṭhat ber ṭum ala ni hial ang. Goal ka thun bakah ka ṭhian te goal thun tur ka siam sak thei em em a, ka hlim hle. Tuna kan dinhmun hi a duhawm tawh hle a, a pawimawh ber chu a hmawr bawk ṭhat a ni," tiin a sawi.