Bengaluru mualah Punjab an leng dawn

Indian Super League-ah tun season-a tlawm la nei lo club pahnih an awm a, an hming chu Bengaluru FC leh Punjab FC an ni - club pahnih hi zanin dar 7:30-ah an intawng dawn a, inkhel hmuhnawm beisei chi a ni ang.

Bengaluru hian league match li an khelh tawhah vawi thum hnehna changin vawi khat draw an nei a, ISL table chung ber an luah mek - an hnuai chiaha awm Punjab aia an sanna chu point khat chauh a ni a, match khatin an khel tam bawk.

ISL-a an season hnihna hmang mek Punjab hian match thum khel tawhin an chak vek a, zaninah Bengaluru an tum dawn. I League champion nih vanga season hmasaa ISL inpetkai Punjab hian Mizo player kawl an nei lo.

Hetihlai hian Bengaluru erawhin Lalremtluanga Fanai an nei a, Mizo rawlthar midfielder hian bul ṭan phak rih lo mah se, league match li an khelh tawhah a la lut vek - zaninah pawh inlan a beiseiawm ang.