England coach atan min be lo - Howe

Newcastle United manager Eddie Howe chuan England coach tana biak a nih loh thu a sawi a, Magpies tana a inpek pumhlum thu a sawi. Zanin dar 7:30 hian Newcastle-in Brighton an mikhual ang.

Kum 46 mi Howe chuan, "FA-in England coach atan min be lo. Ka tan chuan Newcastle a pawimawh ber a, 100%-in ka rilru ka pe. Thil dang kan ngaihtuah zeuh chuan kan hnain a tuar ṭhin," tiin a sawi.

England-in tun hnai khan manager atan Thomas Tuchel an lalut a, English mi ṭhahnem tak chuan Three Lions enkawl turin German manager an duh lo a, English mi ngei an duh.

Howe pawhin, "England enkawl tur chuan English coach ka duh ber a, mahse foreign coach an la dawn a nih chuan a ṭha ber zinga mi lak a ngai. Thomas Tuchel hi chutiang zinga mi chu a ni," tiin a sawi.