City-in Rodri a thlak thei ang em?

Manchester City-in an thiampuipa Rodri tel loin Premier League nomawi humhim an tum dawn a, zanin dar 6:30 hian Wolves khelmual Molineux Stadium an tlawh ang.

Pep Guardiola hote an tlarhnung a phui tawk lo a, match sarh aṭangin goal riat an chhuah tawh. City-in Rodri awm lo an tuar tih a hriat theih a, Pep-a'n khelh dan thar a duanchhuah a ṭul dawn.

Real Madrid leh Chelsea midfielder hlui Mateo Kovacic-a'n goal nawr kawngah chuan Rodri ai a awh zo a, Premier League-ah goal thum a khung tawh. Mahse, Croatian midfielder hian tlarhnung a thlawp ṭha tawk lo a, Wolves lakah insiamṭhat a tum ang.