Champion lai Sihphir Venghlun an tla

BR Studio MFA Inter Village Futsal-ah champion lai Sihphir Venghlun chu an vawi khat inlanaah an chak lo nghal a, Laipuitlang 2-1 in an hneh lo. Tun ṭum inelnaah hian MPL bakah ISL, I League leh state tina league sang ber khel player a khelh theih lo a, hei hi MPL club nei Sihphir Venghlunin an tuar.

Vawiin hian inelna chhunzawm a ni dawn a, tlai dar 5:00-a Electric Veng leh an ṭhenawm Aizawl Venglai inkhel tur chu en châkawm a tling pha. Zan dar 7:30-a football thiam veng tia sawi theih Ramhlun South leh futsal thiam veng Zonuam inkhel tur pawh a hmuhnawm ang.