Quarterfinal-ah Sindhu a lut

PV Sindhu BWF World Tour Super 750 tournament zinga mi Denmark Open khelh laiah PV Sindhu chuan quarterfinal a lut - Ningani zan inkhelah Sindhu hian Han Yue-i a hneh.

Last 16 inkhelah Sindhu hi rinkai zawk a ni, tun hma vawi sarih an intawn tawhnaah vawi ruk chakin ṭum khat chauh chak loh a nei. Chinese nula hi 18-21, 21-12, 21-16 in a hneh a ni.

India nula hian hnehna chang turin darkar khat leh minute thum a hmang, game hmasa ber hloh mah se a hnuah huaisen takin a tho chhuak a, game hnuhnung pahnihah chuan a chungnung hle.

Kum 29 mi Sindhu hian Paris Olympic hnuah tournament a khelh leh vawi hnihna chauh a la ni. Tun hnai khan Arctic Open khelin match hmasa berah a tla, tunah erawh hma a sawn leh ta tih a takin a lang.