Martinez tan kum a tawp

Bayern Munich defender pawimawh Javi Martinez chu kuminah a inkhel thei tawh dawn lo. German champion hian an player hi a malpui tihrawl hliam vanga a chawlh tur thu hi an puang.

Kar hmasa khan Bayern hi RB Leipzig nen 3-3 in an inhnehtawk. Bundesliga inkhel hmuhnawm takah Martinez hian hliam a tuar a, kumin chhunga Champions League leh league match khelh hmabak pali an la neihah a inlan thei dawn lo.

Bavarians hi kuminah an tlarhnung a phui tawk lo. League bikah pawh match 10 an khelh aṭangin goal 16 ngawt an chhuah tawh, league table thlir chuan a sang zual panga zinga goal chhuah hnem ber an ni hial.

Bayern defender Jerome Boateng chu a hliam mek a, centre back Niklas Sule pawh tun hnaiah a khel ṭha tawk lo. Hansi Flick-a naute hi league hmahruaitu ni thei mah se an tlarhnung erawh an siamṭhat a ngai.