Raptors player pathumin hri an kai

NBA team Toronto Raptors chuan an player zingah Covid-19 kai mi pathum an awm thu an tarlang. Canadian team zinga NBA champion ni thei hmasa ber hian player hming erawh an tarlang lo thung.

Thuchhuah siamin Raptors chuan, "NBA season thar atan inbuatsaihna kalpui ṭan a ni a, chumi atan chuan thuneitu lamin rua-hmanna an siam angin endikna pawh kalpui a ni. Hri kai an awm a, ngaihtuahawm erawh an ni lo," an ti.

Ruahman lawk dan chuan Raptors head coach Nick Nurse leh point guard Kyle Lowry te chuan Thawhṭanni khan media hmachhawn tur an ni, amaherawhchu coronavirus vanga buaina a awm avangin an ruahmanna hmasa hi an ṭhulh.

Season hmasa khan Raptors hian playoff an khel. Eastern Conference semifinal-ah Boston Celtics an ngam lo thung. Season thara an match hmasa ber chu December 23 hian an khel ṭan ang.