Chelsea hian zah kan phu - Terry

Chelsea captain John Terry chuan an club chuan sawiselna chauh ni loin zah an phua a hriat thu a sawi.

Nilaini zan khan Chelsea hian Licester 3-1 a hnehin Premier League nomawi an chawi teuh tawh hle a, Arsenal nen an inkhelh ṭuma an khelh dan mi tam takin 'boring' tia an sawi selna chu a dik bik loh thu a sawi bawk.

Kum 34 a upa England captain hlui Terry chuan, "Season tir aṭanga kan thlir chuan kan team hi team ṭha ber kan ni tih mi zawng zawngin an pawm ang. Kan goal thun zozaite leh kan goal kan venhim dan thir hian table chung bera awm hi kan phu a ni," tiin a sawi.

Pathianni hian Stam­ford Bridge-ah Crystal Palace an lo mikhual dawna, an chak a nih chuan Chelsea hian match thum khelh hmabak nei chungin champion nomawi an chawi thei tawh ang.