Wolfsburg-in German Cup final lut

Wolfsburg chuan Borussia Dortmund hnung­zuiin German Cup 2015 final an lut ve leh ta. Semifinal hmasa zawkah Dortmund hian Bayern Munich an hneh a, semifinal hnu­hnungzawkah Wolf­sburg-in DSC Arminia Bielefeld chu 4-0 in an sawp ve leh.

Bielefeld hian semi­final thleng turin Hertha Berlin, Werder Bremen leh Borussia Monchengladbach an hneh thei a, mahse semi­final-ah erawh Wolfsburg an ngam lo hle.

Wolfsburg tan hian attacking midfielder Maximilian Arnold chuan goal hnih a khung a, Luiz Gustavo leh Ivan Perisic te chuan goal khat ve ve an khung bawk. German Cup final hi May 30 hian Berlin-ah khelh a ni ang.

Tun season-ah Wolfs­burg hi an khel ṭha hle a, Bundesliga table-ah pahnihna ni mekin season thara Champions League khel turin an dinhmun a ṭha tawh a ni.