Tottenham-a cham duh Lamela

Tottenham midfielder Erik Lamela chuan a khelh mekna club Tottenham a a hlim thu leh hun rei zawk la awm a duh thu a sawi.

Argentine manager Mauricio Pochettino hnuaiah a hmalam hun a chiang lo angin mi tam takin sawi mah se Lamela chuan London club chhuahsan a duh loh bakah hun rei tak cham chhunzawm zel a duh.

Kum 23 a upa midfielder Lamela chuan, "Tottenham-ah hian ka hlim a, he hmunah hian hun rei zawk cham ka duh. Ka theihna leh thiamna phochhuah nan chuan Spurs aia club ṭha hi a awm chuang lo ang," tiin a sawi.

Tun dinhmunah Tottenham hian Premier League-ah point 58 hmuin parukna an ni mek a, season thara Champions League khel turin beiseina chhete an la nei ve a ni.