Robben-a season a tawp

Bayern Munich winger Arjen Robben chu Thawhlehni a German Cup semi-final Borussia Dortmund nen an inkhelh ṭuma hliam vanga lakchhuah a nih hnuin tun season chhung chu a inlan theih tawh loh tur thu tih chian a ni.

Dutch winger Robben hi kar nga chhung a dul lama hliam a tawrh vangin a chawl tawh a, Dortmund an khelh ṭum hian lo kir lehin khelmual chhungah minute 16 chiah a awm hman tihin a chawnah hliam a tuar a ni.

Bayern tan chanchin lawmawm loh dang a thleng leh a, an stri­ker rinrawl Robert Lewan­dowski chu a khabe ruh leh hnarah hliam a tawrh avangin May 6 a Champions Lea­gue semi final-a Barce­lona an hmachhawn hunah a khelh theih dawn leh dawn loh a la chiang lo.

Polish international striker hi an goalkeeper Mitchell Langerak nen an intauh sual vanga inhliam a ni thung.