Europe a kan kir leh ta hi ka lawm - Rossi

Valentino Rossi chuan MotoGP intlansiak Europe a an tlan ṭan leh tawh dawn chu a lawm thu leh Europe a intlansiak nuam a tih thu a sawi.

MotoGP World Championship a point ruka hmahruai mektu Rossi hi tunkar tawpa an intlansiak na hmun tur Circuito de Jerez-ah hian 2001, 2002, 2003, 2005, 2007 leh 2009 te khan pakhatna alo ni tawh a, 2008 leh 2014 te khan pahnihna ni in 2010 khan pathumna a lo ni tawh bawk. Spain-ah hian a chet ṭhat ṭhin em avangin Rossi hian intlansiak a nghakhlel tawh hle.

Yamaha rider Rossi chuan, "Khawmualpui dang Asia, America-ah te hian intlansiak chu nuam hle mah se Europe tluk hi a awm thei tak tak lo. Championship a hmahruaitu ni chunga Europe intlansiak kan ṭan thei tur hi ka lawm a, ka phur tawh hle. Ka bike YZR-M1 hi a ṭha tawk em em a, tunah chuan sawiselna tur ka hre rih lo a ni," a ti.

An intlansiakna tur Jerez chu thir lawkin Rossi chuan, "Kan intlansiak lehna tur Jerez hi hmun mawi tak leh boruak nuam tak a nihna ringawt pawh hian min ti phur ṭhin. Tunhmain helai hmunah hian hlawhtlinna ka lo chang tawh ṭhin a, kuminah pawh chu chu chhawmnun zel ka tum ang," tiin a sawi.