Bengaluru FC-in AFC Cup last 16 an lut

I League champion Bengaluru FC chuan khualmualah Maldives club Maziya S & RC chu Sunil Chhetri goal hnih khung hmangin 2-1 in an hneh a, AFC Cup-ah second round an lut.

Rasmee Dhandu Sta­dium, Malé khawpuia inkhelah hian mual neitu Maziya-in Pablo Rodriguez goal khat thun hmangin minute 60-naah hma hruai mahse, India captain Sunil Chhetri a inlar a, kum 30-a upa striker hian minute 71 na leh 78 naah goal khungin a team a chhanhim ta a ni.

Bengaluru hian May 12 khian Group B hmahruaitu Persipura an mikhual dawn a, an chak chuan group hmahruaitu nichungin last-16 an khel thei dawn a ni.

Bengaluru in last 16-an luh laiin East Bengal-in Raju Gaikwad own goal hmangin mikhual team Darul Zakim an hneh lo a, beisei tur an nei tawh lo.