Madrid Open khel lo tur Djokovic

World number 1 Novak Djokovic chuan Madrid Open a khelh loh tur thu a sawi. Kuminah tournament a khel tam tawh a, a taksain chawlh a mamawha a hriat vang a ni.

Tunthla hian Rome Open leh French Open khelh tur a awm dawn a, heng tournament pahnihah hian chet ṭhat a duh avangin Madrid Open khelh lai hian chawlh a lo la rih dawn. Djokovic hi Grand Slam-ah ṭum riat a champion tawh a, French Open hi Grand slam tournament-a a la champion lohna awmchhun a ni.

Djokovic chuan, "Tun season-ah ka inkhel tam tawh a, Miami, Indian Wells leh Monte Carlo-ah te ka inlan vek avangin tunah chuan chawlh rih ka mamawh. French Open a champion hi ka duh a, ka tum bawk. Chuvangin kuminah hian a ṭha thei ang bera khelh ka duh dawn avangin he thutlukna hi ka siam ta a ni," tiin Madrid Open a khelh loh chhan a sawi.