MSL Final kan nghak chhuak ta

Hawla Indoor Stadium-ah mipui an len dawn loh avangin stadium kawtah inkhel enna tur 'Big Screen' an chhawp dawn. Hei hian Samsung 3:16 Plan Solution Mizoram Super League final-a Khatla TBL leh Zarkawt BCA boruak tawi fel takin a khai khawm chiang hle.

Zanin hian Mizoram chhunga basketball inelna lian ber season khatna chu khar a ni dawn a, zan dar 7:30-ah Pre Show ṭan tura ruahmanna siam a ni a, ṭhutna ṭha chang duh tan darkar khat hma lama thlen a finthlak ang.

Khatla an fal lo

Khatla TBL-in match kaw chhung a zawnin an chak a, MSL1-a chak zawn rei ber record an siam. Amaherawhchu Khatla hian an match hnuhnung berah Zarkawt Serpents an hneh lo a, final-a an hmachhawn tur Zarkawt BCA hian Serpents hi Zarkawt Derby-ah ṭum hnih an hneh.

Zanina BCA leh TBL-a an inkhelh hunah league stage-a Khatla TBL ṭum hnih chak kha pawimawh tawh lo. Final-a chungnung zawk hi MSL season khatnaa champion tur chu an ni.