INKHEL EN TURTE HRIAT TUR

Mizoram Super League Season 1 Final-ah table a pakhatna Khatla TBL hi HOME TEAM an ni anga table a pahnihna Zarkawt BCA te AWAY TEAM an ni thung ang.

Inkhel en man. Court side (Chair) hi Rs 150/- a ni anga a bak zawng chu Rs 50/- man tura ruahman a ni. Court side-ah hian ṭhutna 340 chauh a awm.

Rawlkhawlhna a awm a nih loh chuan final zan hian Stadium kawtah Big Screen a chhuah tura ruahman a ni.

Inkhel en tura kalte tan Stadium chhung leh a pawn kawt hrulah eng lirthei mah dah phal a ni dawn lo a, lirthei keng te chuan College Veng Field-ah dah vek tur a ni.

Sawm bik, players, coaching staff-te erawh Stadium hnuai parking area-ah lirthei te dah phalsak an ni.

Security lama fel fai zawk nan inkhel en tura kalten Stadium Main Gate chhungah BAG emaw inkhelh en nana tangkai lo thil ken luh phal a ni dawn lo a, hei hi khauh taka kal pui tur a ni.

Inkhel en tura kal zawng zawngte Stadium awmna veng Republic Vengthlang leh a chhehvel vengte tana hnawksak zawnga awm lo tur leh Mizoram Basketball Association hmel ti mawi lo zawnga khawsa lo turin organiser ten an chah bawk.