Electric Veng leh Ramhlun South

BR Studio MFA Inter Village Futsal-ah team ṭha tura ngaih Electric Veng leh Ramhlun South te an tla. Electric Veng hian futsal club ṭha tak an nei a, MFA Futsal League champion tawh an nih bakah AIFF Futsal Club Championship-a tel thei ni mah se an veng ṭhenawm Aizawl Venglai lakah an chak lo.

Inkhel dangah team ṭha tura ngaih Ramhlun South-in futsal khel thiam veng Zonuam an hneh lo. Vawiin hian R. Dengṭhuama Hall-ah inelna hi chhunzawm a ni dawn a, match hmasa berah Dinthar leh an veng ṭhenawm Kanan te inkhel dawn a, en châkawm a ni ang.

Futsal-ah chuan Rangvamual an ṭha a, MFA Futsal Legue club Saron Veng nen chak tur hriatthiam a har hle. Chawhnu dar 2:00-a inkhel tur Zemabawk leh Chanmari te pawh inkhel tawk tura ngaih an ni. Inkhel hi BR Studio YouTube Channel-ah a en theih ang.