MBBA League an zo fel

Mizoram Basketball Association (MBBA) buatsaih MBBA League 2024 chu August 16, 2024 aṭang khan chawlhkar tawp apiangin khelh a ni a, October 18, Zirtawpni khan zawh fel a ni.

Inelna hi chi thum MSL, D-League leh Women's League-ah te thliar hran an ni a, league phase-a pakhatna a awm bakah champion zawn leh a ni bawk.

MSL club-te inelnaah league phase-ah Khatla TBL chu pakhatna a ni a, MBBA League 2024 champion erawh Zarkawt BCA an ni. D League-ah Mission Veng Hot Shots chu league phase-ah pakhatna an ni a, MBBA League-ah pawh an champion bawk.

Women's League-ah Bungkawn LB Associates chu league phase-ah pakhatna an ni a, MBBA League 2024-ah erawh Team Alpha, Dawrpui an champion thung.