PSG an chak leh ta

Paris Saint-Germain an chesual rei duh lo - Inrinni zan khan Luis Enrique naute hian an mikhual Strasbourg chu 4-2 in an hneh a, point 20 hmuin Ligue 1 table hmahruaitu an ni leh ta.

Parc des Princes-a inkhelah PSG tan Senny Mayulu, Marco Asensio, Bradley Barcola leh Lee Kang-in ten goal khat ṭheuh an khung a, mikhual lamin Sekou Mara leh Pape Daouda Diong ten goal khung mah se awmzia a nei phak tawh lo.

PSG manager Enrique chuan, "Player tam tak ram tan an fehchhuak a, inkhelh hmun a inang loin an ram khelh dan pawh a inang lo hle - chutiang rawn let khawm chu kan ni a, training hun a tlem avangin inkhelh a harsa ṭhin.

"Kan intawn hma khan Strasbourg hian tun seasion Ligue 1 bikah vawi khat chiah tlawm an nei, chuvangin team ṭha an ni a, an laka goal li kan khung theih avangin kan khelh danah ka lawm," tiin a sawi.