Harry Kane-a'n hattrick a siam

Bundesliga-ah Bayern Munich-in Stuttgart 4-0 in an sawp a, Harry Kane-a'n hattrick a siam. England captain hian Premier League-ah hattrick vawi riat a siam a, Bundesliga-ah hattrick vawi ruk a siam der tawh.

Inrinni zana Allianz Arena-a inkhelah first half-ah goal a lut lo a, second half-ah Kane-a'n hattrick siamin Kingsley Coman-a'n goal khat a khung belh bawk. Kane hian box pawn aṭangin minute 57-naah ṭha zetin a pet goal a, minute 60-naah box chhung aṭangin buai nuaih karah a khung.

English striker a vannei a, minute 80-naah ball per chu a zawnah chiah tla fuhin chiang zetin a pet goal. Kane hian tun season league match vawi sarih aṭangin goal riat a khung tawh.