Arsenal an chak tluang

United States-ah Premier League pahnihna Arsenal an cheṭha tluang zel a. Gunners hian MLS All-Stars an hneh hnuah Thawhṭanni zing khan Chivas 3-1 in an hneh

California-a friendly match khelhah Arsenal tan defender thar Rob Holding chuan a club tan a goal hmasa ber a khung. Bolton aṭanga Gunners zawmtu hian a club tharah ni kua
chauh hun la hmang mah se hnuhma ṭha a hnutchhiah nghal.

Second half-ah Alex Oxlade-Chamberlain-a'n goal nalh danglam tak a khung a, Chuba Akpom-a'n an goal thumna a khung leh bawk.

Arsenal tan Santi Cazorla chuan a vawi khat nan pre-season match khel vein MLS All-Stars an hneh ṭuma second half-a inlan ve Granit Xhaka chuan a club thar tan a vawi khat nan inkhel bul a
ṭan ve bawk. Tlarhmaah Olivier Giroud a la awm loh avangin Theo Walcott a mal tlat a, an match hnuhnung zawka inlan lo David Ospina chuan goal a veng bawk.