Zlatan a phur; Rooney beisei a sang

Manchester United striker thar Zlatan Ibra-himovic chuan a club thar hmabak chu a êng hlea a hriat thu leh tun season-ah thil danglam tak an thlentir a beisei thu a sawi chhuak.

United tan a match hma-sa bera bicycle kick hmanga goal ropui khung-tu chuan, "Thil ropui tak thleng tur a awm a, Paul Pogba la thei dinhmuna kan din bawk avangin kumin chu a nuam dawn a ni. Ka theihtawpin United hi puih zel ka tum dawn a, ka ṭhatna ber goal khung leh chance siam hi tih chhun-zawm zel ka tum ang," a ti!

Manchester United-in khaw-vela player man-to ber ni turin Paul Pogba lakluh an tum mek a, French midfielder man zatah hian pound maktaduai 100 an phal. Red Devils-in player pakhat lei nana heti zat sum thehchhuah an tum hian sawisel a hlawh.

Mahse, Swedish stri-ker hian Paul Pogba man tur chu a jersey hralhna aṭang chauh pawha hmuh chhuah theih tur a nih thu a sawi a, a
ṭawng sual lo - Zlatan hming chuanna jersey hi kar khat chhungin pound maktaduai 76 man hralhchhuah a ni tawh!

Beiseina nen Rooney

Manchester United stri-ker Wayne Rooney chuan manager thar Mourinho kaihhruaina hnuai-ah Premier League nomawi an chawi theih a beisei thu a sawi.

England captain chuan, "Dinhmun ṭha takah kan ding a, Premier League nomawi kan chawi theih kan beisei. Player-te rilruah hmana Manchester United kha ni anga inhriatna kan nei a, hei hi a ṭha a ni. Player thar mai a ni lo, season hmasaa che ṭha tak Anthony Martial leh Marcus Rashford kan neih bawk avangin a phurawm a ni," tiin hma hun a êng zawngin a thlir.

Mourinho a ṭawng leh ta

Manchester United ma-nager Jose Mourinho-a'n player chhuahtir a tum nual nia sawi a ni a, heng zingah hian Chelsea a enkawl laia United lama a kaltir tak Juan Mata chu hming ri ring zinga mi a ni.

Mahse, Pathianni khan Gala-tasaray 5-2 a an hneh ṭum-in Portuguese manager hian Spanish midfielder hi a chhawr a, Mourinho chuan, "Ka player-te hi ka rua-hmannaa an tel lo a nih chuan minute khat pawh ka inkhelhtir lo ang. Squad chu an inel tur a ni a, chu chu kan season hman tur atan a ṭangkai a ni," a ti.

Chelsea boss hlui chuan sawi chhunzawmin, "Premier League-ah match 38 khelh tur kan nei a, Europa League-ah match 15 khelh chance a awm a, domestic cup khelh tur a la awm cheu bawk. Season khatah match 60 tal kan khelh a ngai dawn tihna a ni a, chu chu player 11 nen chauh tih theih a ni lo," tiin a player-te chu an pawimawh vek thu a sawi.