Pope-in Messi thiam a ti ber

Roman Catholic kohhran hotupa ber Pope Francis chuan Lionel Messi chu khawvela footballer thiam ber a nih thu leh Pele leh Diego Maradona pawhin an tluk loh thu a sawi chhuak.

Argentine mi ve tho Pope hian World Youth Day-a hun a hmannaah he thu hi sawiin, "Ka tan chuan Lionel Messi hi Maradona leh Pele ai pawha footballer thiam leh ṭha zawk a ni," a ti.

Barcelona tana season 12 chhung khel tawh Lionel Messi hian Ballon d'Or chawimawina vawi nga a dawng tawh a, Catalan club tan vawi 531 inlana goal 453 khungsak tawhin Pope Francis ngaihdan ṭawmpuitu hi an tam hlein a rinawm.