Argentina coach thar Bauza

Argentine Football Association (AFA) chuan manager kal chhuak ta Gerardo Martino hmun-ruak luahkhat turin Ed-gar-do Bauza an ruat thu Thawh-
ṭanni khan an puang.

FIFA ranking-a pa-khat-na Argentina hi Copa America Centenario final-ah Chile hneh loin an tla a, captain Lionel Messi chuan ram tana inkhelh a chawlhsan zui. Rio Olympic-a an ram team enkawl turin manager ṭanglai chu beisei ni mah se AFA chhungkaw buaina vangin Martino hian a hna a bansan.

AFA hian an ram team enkawl tur hian manager hrang hrang an bia nia sawi a ni a, chung zingah chuan Jorge Sampaoli leh Marcelo Bielsa te hming pawh lam rik a ni - tunah erawh thil engkim a chiang tawh.

AFA chuan thuchhuah siamin, "Mi hrang hrang kan biak kual hnuah Edgardo Bauza chu Argentina coach ni tura thlan a ni. Zirtawpni hian inbiakna neih a ni a nga, he hunah hian coaching staff leh thil pawimawh dang sawi a ni ang," an ti.

Kum 58-a upa Bauza hi player a nih lai chuan defender a ni ṭhin a, hnu-hma ropui tak a nei tam lo. Argentina tan match thum chauh a khel phak. Team enkawl lamah erawh tawnhriat a ngah tawh a, an ram club hrang hrang pali bakah season hmasa khan Brazilian club Sao Paulo enkawlin South American club inelna sang ber Copa Libertadores-ah semifinal a hruai thleng. Argentina manager hian Peruvian club Sporting Cristal leh Ecuadorian club LDU Quito te chu Copa Li-ber-tadores nomawi a lo chawi pui tawh nghe nghe.

Bauza hna hmasa tur chu 2018 World Cup qualifying khelh a ni dawn a, September 1 khian Uruguay lo mikhualin Ve-nezuela khel turin Sep-tember 6-ah an zin chhuak zui dawn bawk a ni.