ISL leh I League ngaihdan a hrang zel

Shillong Lajong neitupa leh All India Football Federation (AIFF) vice-president ni bawk Larsing Ming chuan Indian Super League leh I League inzawm tura ruahmanna kalmekah I League club tam zawk ISL-a an tel ve a duh thu executive committee-ah a sawi chhuak.

Indian FA chuan tun hnaiah Indian football kalphung thar tur duangin 2017-18 season aṭang chuan ISL leh I League inzawm turin an ti a, mah se I League club zingah club pahnih vel chiahin ISL hi zawmin a bak zawngin League One khel turin an ruahman.

Mahse, Lajong neitupa hian ISL-ah hian I League club pali
aṭanga paruk tal tel tir a duh thu a sawi chhuak a, Dempo neitu Shrini-vas Dempo chuan Ming-a thusawi hi thlawpin League One khelh chu I League club-te tana awmze nei lo mai a nih thu a sawi ve bawk.

Hetihlai hian India goalkeeper neih tawh zinga ropui ber ang hiala an sawi Bhaskar Ganguly leh India captain hlui Monoranjan Bhattacharya-te chuan AIFF khinna Supreme Court-ah an thehlut a, India ram football thuneitu sang ber chuan ISL leh I League zawm tumna hmangin India ram football an tichhe mek niin an sawi.