Brazil keeper inhliam

Brazil goalkeeper Fer-nan^-do Prass chu hliam vangin Rio Olympic-ah a hmel kan hmu thei dawn lo. Kum 26-a upa Prass hi Inrinnia Japan 2-0 a an hneh ṭumin a kiu a ti na a, a hliam hi endik a nih hnuah Olympic-ah a inlan thei dawn lo tih a chiang tawh.

Brazil hian beisei loh takin ram tana la inkhel ngai miah lo Prass hi Olympic khel turin an ko a, a hliam leh tak siah chuan Palmeiras goalkeeper hian an ram tana inlan theihna hun ṭha a neih a hmang ṭangkai thei dawn ta lo a ni. Brazilian Football Confederation (CBF) chuan Prass hmunruak luah tur hian Atletico Paranaense keeper Weverton Pereira da Silva an ko nghal.

Rio Olympic hi Zir-tawpniah a khuh-hawnna neih a ni dawn. Mipa foot-ball match hmasa hi Ninganiah khelh ṭan a ni dawn a, match hmasa berah Iraq leh Denmark an inkhel ang a, hemi zawh hian Brazil leh South Africa ten an khel leh ang - ram pali hi group khatah an awm.

Khawvel football ram ropui Brazil hi Olympic-ah an la champion ngai lo a, kumin hi an rama khelh tur a nih vangin gold medal an beisei sang hle - captain Neymar pawhin Copa America khel loin Olympic a inlan a thlang zawk.