Saints-ah McCarthy leh Pied

Southampton-in Crys-tal Palace goalkeeper Alex McCarthy leh French right back Jeremy Pied an lalut.

Kum 26-a upa Mc-Carthy hian nikum khan Queens Park Rangers aṭangin Crystal Palace zawm mah se Eagles tan season khat chhunga match sarih chiah a khelh avangin Saints-a England international Fraser Fors-ter nen khelhna hmun inchuh a thlang. English keeper McCarthy hian kum thum daih contract a ziak a, a man zat erawh puanzar a ni lo.

Kum 27-a upa Pied hian French club Nice aṭangin free transfer-in Southampton hi a zawm a, kum hnih daih contract a ziak. French right back hian Saints manager thar Claude Puel tan season liam ta khan Nice tan a khel a, Lyon-ah a pu thar tur nen hian an lo awm ho tawh bawk.

Saints hian season thar atan player pali an lalut ta a, hemi te pahnih hma hian Norwich aṭangin Nathan Redmond leh Bayern Munich aṭangin Pierre-Emile Hojbjerg te an lalut tawh bawk.