Ballon d'Or dawn theih inbeisei Hazard

Chelsea winger Eden Hazard-a unaupa Kylian Hazard chuan a u chuan khawvela footballer thiam ber chawimawina Ballon d'Or a dawn theih a la inbeisei reng thu a sawi chhuak.

Belgium international hian season hman zawh takah beisei a phak lo hle a, season chawhnu lamah erawh goal li khung lehin Euro 2016-ah a insiam-
ṭhat chhunzawm a, pre-season friendly-ah Real Madrid lakah goal hnih a khung bawk.

Hungary club Ujpest tana khel kum 20-a upa Kylian chuan, "Eden hian a tum ber chu Ballon d'Or chawimawina dawn a ni. Mahse, tun aia rim leh zuala a thawh a ngai ang. Nitin hianin hma a sawn tulh tulh a, hmasawn zel turin theihna a nei tih chu kan hmu fo tawh a ni," tiin a unaupa chu a chhuang hle.