Reading tana inpe Chambers

Women's Super League One club Reading manager Kelly Chambers chuan fa a neih aṭanga ni 12 lek liam hnuah khelmualah a team a kaihruai lehnghal.

Reading hmeichhe team hian Notts Coun-ty hmeichhe team hma-chhawnin 1-1 in an in-hnehtawk a, ṭum dang ang thoin technical area aṭangin Chambers hian a team a lo ṭawiawm.

Chambers hian kum 10 liam taa Reading hmeichhe team din a nih aṭang khan Adams Park (Reading khelmual)-ah hun a hmang tawh a, hmeichhe team captain a nih hnuah club manager dinhmun hi a chelh leh a ni.

Kum 30-a upa Cham-bers chuan, "Ka chhung-ten min ṭawiawm ṭha em em a, min thlawp tlatna avanga tun hun thleng hi ka ni. Ka neih zawng zawng he club tan hian ka hlan a, ralkhat aṭanga result lo ngaihchan hi ka thiam lo," tiin nau a neih aṭanga ni 12 hnu leka a team a kaihhruai lehnghal chhan a sawifiah.