Lukaku-a'n Everton chhuahsan a duh

Everton forward Romelu Luka-ku chuan a club hlui Chelsea-a a let leh theih nan club hotute hnen-ah chhuah a dil dawn niin khawthlang lam media te chuan an ziak.

Blues hian Belgian forward Lukaku hi duh mah se Toffees phut zat pound maktaduai 75 chu an ngam zatna aia sang a ni a, Chelsea hian an forward hlui manah hian pound maktaduai 67 chu an seng hreh lo niin sawi a awm bawk.

Kum 23-a upa Lukaku hian kum hnih liam ta khan London club aṭangin Everton hi pound maktaduai 28 in an zawm a, nikum nipui lai khan club pahnih hi defender John Stones-a chungchangah an inrem thei lo.

Chelsea hian Belgian forward hi Premier League match hmasa ber August 15-a West Ham an hmachhawn hma ngeiin lakluh an duh a, chutihrualin a man zatah Everton hi an tlak hniam duh loh chuan striker dang lakluh an tum nia hriat a ni.

Hetihalai hian Chelsea left back Baba Rahman chuan season khat chhung loan-a khel turin Bundesliga club Schalke a zawm ve bawk.