England hnartu Clement

Bayern Munich assis-tant manager Paul Clement chuan England manager thar Sam Allar-dyce-a sawmna chu hnarin Italian manager Carlo Ancelotti hnuaia thawh zel a thlang.

Kum 44-a upa Cle-ment chuan, "England national team nena ka chungchang an sawi zawm avangin ka hmalam hun tihchian vat hi a ṭhain ka hria. FC Bayern leh Football Association te nen kan inrawn khawm hnuin Munich tan chauha thawh hi ka tana ṭha ber turah kan ngai. Sam, FA leh England team te an kal zelna turah hlawhtling ngei turin duhsakna ka hlan e," tiin twitter kal-tlangin a sawi.

English coach Cle-ment hian season liam ta khan Championship club Derby County enkawlin pangana a nih pui phak ṭawk avangin an ban. Ancelotti-a'n Bayern a enkawl leh dawn takah chuan Clement pawhin Germany lam a pan a, Italian manager puiin Chelsea, Real Madrid leh Paris St-Germain te a kaihhruai tawh a ni.