MFA Super Cup 2016 Second round khelh zawh a ni ta
MFA Super Cup 2016 second round chu nimin khan khelh zawh a ni a, August 4 aṭangin RG Stadium, Mualpuiah third round khelh ṭan a ni ang.
Nimin inkhelah Chawn-pui FC-in Neih-dawn 5-3 an hnehin third round an lut a, Ramhlun North FC Junior-in penalty shootout hmanga Republic Vengthlang hnehin team ṭha 24 zingah an inhlang kai ve bawk.
Goal 171
MFA Super Cup-ah hian goal 171 a lut tawh a, heng zinga goal 106 hi first round a lut a ni. Second round match hma-sa berah Mizoram Police-in Kawnpui Venglai GSA chu 9-0 zetin an hneh a, inelna neih meka insawpna nasa ber a ni.
First Round-ah hian match tinah goal 4.08 lut ang a ni a, second round-ah hian match 16 aṭangin goal 65 lutin match tina goal 4.02 lut ang a ni thung. Round hnuhnung berah hian Last 16 lut thei tura rinkai Aizawl FC Academy an tla a, hei lo chu inbarakhaihna lian tham tia sawi tur a la awm lo. Third Round-ah hian match riat a awm dawn a, match tina chak zawk zel hian last 16-ah MPL club an hmachhawn dawn a, tie draw erawh la neih chawp tur a ni.
July 14 aṭanga khelh
ṭan inelnaah hian team 56 an tel a, MPL club pariatte chu team 16 awmna fourth round aṭangin an inlan ṭan chauh ang. Round of 16 hi August 17-ah khelh a ni ang a, final hi August 27-ah khelh a ni thung ang.
Nimin Inkhel Results
Chawnpui FC 5 - 3 Neihdawn
CHA : Malsawmzuala 5', 12'; F. Zodinpuia 55';
Lalrinhlua 57', 71'
NEI : V. Lallianmawia 47', 76'; V. Lalbiaknunga 50'
Ramhlun North FC Jr 1 - 1 Republic VT FC
(Penalty shootout-ah Ramhlun North Jr 3-2 in an chak)
RAM : Lalchhuanmawia 28'
REP : Joseph Lalrinmawia 7'
Third Round Fixtures
August 4, Ningani
11:00 AM Mizoram Police Vs Electric FC
01:00 PM Tuidam FC Vs Keifang FC
August 5, Zirtawpni
11:00 AM 1st Bn. MAP Academy Vs Kanan FC
01:00 PM Ramhlun FC Vs New Serchhip
August 6, Inrinni
11:00 AM Chaltlang FC Vs Venghlui FC
01:00 PM Rempuia Memorial FC, Phulpui Vs Bungkawn FC
August 8, Thawhṭanni
11:00 AM Chawnpui FC Vs Young Stars United, ITI
01:00 PM Ramhlun N FC Jr Vs Zarkawt FC