Osaka tan season a tawp

Tennis season la tawp chiah lo mah se Naomi Osaka chu kumin chhungin a inkhel thei dawn tawh lo - Japanese star hi November thlaa khelh tur Billie Jean King Cup-ah a inlan dawn lo a ni.

Grand Slam vawi li champion tawh Osaka chuan, "Ka hnungzâng a na a, hei vang hian Beijing-ah MRI ka ti. Doctor-te chuan inkhel rih lo turin min ti a, chuvangin thla tharah pawh ka inkhel thei rih lo ang.

"Hliam nei ru deuh chungin ka inkhel fo a, a bik takin kuminah tournament ka khel tam hle - ka tan chuan season hautak tak a ni. A hautak viau rual hian hun nuam leh chhinchhiah tlak tak chu a ni thung," a ti.

Billie Jean King Cup Finals hi November 13-20 chhung hian Malaga, Spain-ah khelh a ni ang.