Aizawlah ACG Jr.NBA City Zone Tournament

ACG Pharma, Basketball Federation of India (BFI), NBA India leh Skechers te ṭangkawp chuan basketball ngainatna khawpui Delhi, Mumbai, Bhupaneshwar, Ludhiana leh Aizawlah te ACG Jr.NBA City Zone Tournament an buatsaih mek.

Inelna hi India rama school naupang kum 14 hnuai lam tan a ni a, Aizawl tournament bikah hian mipa team 59 leh hmeichhe team 13 an tel. Inelna hi Dawrpuiah neih niin October 23, Nilainiah zawh ani ang.

Tun ṭum inelna hi North East Zone pumpui tan a nih angin state pawn aṭangin Meghalaya team-in mipa team pakhat leh hmeichhe team pahnih an rawn tir thei bawk.

City zone champion ṭheuh te hian India ram champion nih inchuhin an inkhel leh dawn. Mizoram Basketball Association (MBBA) chuan, "Aizawla NorthEast state pual ACG Jr. NBA City Zone Tournament kan thleng hi kan vannei a, kan lawm takzet," tiin thuchhuah a siam a, hlawhtlinna anga an ngaih thu an ziak tel bawk.