Kanan leh College Vengin bul ṭan ṭha

Yamaha ADFA First Division phase II-ah Kanan leh College Veng ten bul an ṭan ṭha. Chawnthansanga enkawl Kanan FC-in Ramhlun North chu 3-0 ngawtin an hneh. B. Zoramthara enkawl College Vengin MPL champion hmasa ber Dinthar FC chu 2-1 in an hneh bawk.

Phase II-ah hian team pali chauh an awm a, vawi khat ṭheuh an inkhelh kual hnua a sang ber an champion dawn. Inelna hi October 23, Nilainiah RG Stadium-ah chhunzawm leh a ni ang.