Blasters-in Mohammedan an hneh

Pathianni zan Indian Super League-ah inkhel pakhat chauh a awm a, Mohammedan SC chuan an mikhual Kerala Blasters lakah goal khung hmasa mah se, South Indian club hian goal hnihin an chhanglet a, 2-1 in an chak.

Kolkata club tan Mirjalol Kasimov chuan minute 28-naah penalty hmangin goal hmahruai a khung a, mahse, second half-ah Blasters hian Kwame Peprah leh Jesus Jimenez hmangin an chhanglet - hun tawp thlengin goal dang a lut tawh lo a, Blasters an chak.

Mohammedan tan Zodingliana Tochhawng, Vanlalzuidika Chhakchhuak leh Lalremsanga Fanai ten inkhel bul an ṭan a, Blasters lamah Mizo inlan an awm lo.