Mizo boxer pahnihin gold an la

REC Combined National Championship chu Rohtak, Haryana-ah neih a ni a, junior inelna bik chu October 17, Ningani aṭang khan neih ṭan niin nimin khan an zo. Mizo boxer pahnih L Joseph Buihringpachha leh TC Malsawmkimi ten gold medal an la.

54Kg Junior boys-a gold medal latu L Joseph Buihringpachha, Siaha hi Khelo India State Centre of Excellence (KISCE), Mualpuiah a inzir mek. National C'ship khel tur hian NorthEast Zone-ah gold medal a la.

Tun ṭum inelnaah hian Joseph hian pre quaterfinal-ah Nagaland boxer a hneh a, quater final-ah Manipur boxer hnehin, semifinal-ah Delhi boxer a hneh a. Final-ah hian Uttar Pradesh boxer a hneh leh bawk. Combined National-ah hian zone hrang hrang medal late an inlan a ni.

48kg Junior girls-a inlan TC Malsawmkimi, North Vanlaiphai hi National Centre of Excellence (NCOE), Guwahati-a inzir mek a ni a. Tun ṭum inelnaah hian quarterfinal-ah Manipur boxer a hneh a, quaterfinal -ah 'no contest'-in a chak a, semifinal-ah hian Uttar Pradesh boxer hnehin, final-ah hian Haryana boxer hnehin a champion a ni.