Vawiinah bastketball inelna zo dawn

India rama school naupang basketball hmanga inelna ACG Jr. NBA 3v3 Tournament chu nimin khan neih chhunzawm leh a ni a, vawiin hian a hmawr bawk a ni ang.

Dawrpui Multi-purpose Center Basketball Court-a inelna hi Basketball Federation of India (BFI), NBA India leh Sketchers te ṭangkawpin a buatsaih a ni a, ngaihhlut a hlawh hle.

Jr. NBA program hi kum 2013 aṭang khan India rama khawpui hrang hrang 35 zetah neih a ni tawh a, basketball thehlarna a nih bakah school naupang hriselna kawngah nasa takin a pui ṭhin a ni.

Inelna hi October 27-29 chhungin Bhubaneswar-ah pawh neih a ni dawn - November thlaah Delhi leh Ludhiana lamah te chhunzawm leh a ni bawk ang.