Thla ruk chawl tur Dembele

Barcelona winger Ousmane Dembele chu a malpui hliam avangin thla ruk a chawlh a ngai dawn a, tun season-ah chuan a hmel kan hmu tawh rih dawn lo tihna a ni.

Kum 22 mi France international hian hliam vanga rei tak a chawlh hnuin kar hmasa khan club training a zawm a, mahse training-naah inhliam lehin thla ruk a chawlh a ngaih phah. 

Dembele hian kum 2017 khan Borussia Dortmund aṭangin La Liga champion hi a zawm a, pound maktaduai 135.5 man ngawt a ni. 

Mahse, French forward hian hliam vangin beisei a phak lo a, Catalan club a pan hnuah hliam vangin match 63 ngawt a khel thei lo tawh - tun season bikah match kua chiah a la khel a, heng zinga match thumah chiah hian 90 minutes a khel tling. 

France tana World Cup nomawi lo chawi tawh Dembele hian hliam a neih leh takah chuan Euro 2020 a khel thei dawn lo tihna a ni a, world champion team hian player an neih ṭhat avangin buaina tur erawh niin a lang lo.