AIFF Elite Academy an sang zel

I League U19-ah AIFF Elite Academy-in Ningani khan Mohun Bagan U19 an hneh a, hmahruaitu an ni chhunzawm zel. Inkhel dangah DSK Shivajians U19 ten Hindutan FC U19 hnehin chak hmel an hmu ve ta bawk.

DSK Football Field-ah AIFF Elite Academy tan Mizo rawlthar Daniel Lalhlimpuia'n a khung a, Rakesh Oram leh Sarkar te'n goal khat ve ve an khung bawk. Mizo rawlthar pathum Malsawmzuala, Daniel leh Lalramzauva te khelhna AIFF Elite Academy hian Mohun Bagan an hneh avangin point 13 hmuin hma­hruaitu an ni mek.

DSK Shivajians tan captain Jerry Mawi­hmingthanga'n first half-ah goal hnih a khung a, second half-ah Lallianzuala'n goal khat a khung ve bawk. DSK Shivajians-in an match nga khelh naah Hindustan FC U19 3-0 in an hneh a, table mawngphah an chhuahsan.