Juve tan champion a hnai

Zaninah Juventus-in Serie A champion an lawm leh lawm loh chu anmahni kutah chiah a innghat ta. Zanin dar 9:30-ah hian Sampdoria khelmual Luigi Ferraris-ah Turin khaw club hi an zinchhuak dawn a, point khat chauh an hlawhchhuak a nih pawn Serie A champion an ni tawh ang.

Antonio Conte-a'n season thum chhung a zawna Juventus a champion pui hnu in a hna a bansan a, a aiawh turin AC Milan duh loh hnu Massimiliano Allegri an lalut. Conte thlak tura nikum January maia Milan-in an ban hnu Allegri-a Juventus-in an lalut hian mak tih a hlawh a, mahse Serie A match nga chauh khelh tur a awm meuh chuan Allegri a naute hian point 14 laia hma hruai fal tawhin champion turin point khat chiah an mamawh ta.

Allegri hian beisei phak bakin Juventus hi a chet ṭhat pui a, Thawhlehni Champions League semi final-a Real Madrid tum turin Europe-a an beiseina pawh chhawm nunin a la awm a, Italian Cup final-ah Lazio an la khel dawn cheu bawk.

Juventus captain Gianluigi Buffon pawn an pu hnathawh hi a hai bik lo, "Tunah chuan a tawp kan hnaih ta hle mai. Tun thleng hi chuan kan inkhelh apiangin kan khel ṭha em em zel a, season

ṭha tak kan hmang mek a ni. Kan khelh ṭhat nan Allegri hian hna a thawk nasa em em a, kan chet ṭhat chhan ber chu kan coach vang hi a ni. Conte thlak kha hna hautak tak a ni a, a chakawm loh a ni. Mahse, Allegri chuan he chona hi huaisen taka pawmin min kaihruai ṭha em em a, tun hi kan thleng a ni," tiin an manager chu a fak hle.