Rodgers duh lotute an inlar
Inrinni zana Liverpool leh Queen Park Rangers inkhelh hmain Liverpool fan ṭhenkhatte chuan Rodgers duh lohna an lantir. 'RodgersOutClub' tia hming invuah te chuan Anfield chungah thlawhna hmangin banner an tar chhuak a, an banner-ah hian an boss hlui Rafael Benitez lut leh tura an duhna thu thai langin , "Rodgers out, Rafa in" tih an ziak a ni.
Fan tam tak leh Liverpool player ṭhenkhat chuan he thil thleng hi an dem hle a, Liverpool player ropui chawl ta Jamie Carragher chuan, "Nikum lawkah league title min chawipui teuh em em a, tunah a hnathawh te kan theihnghilh sak lehnghal si. Fan ṭhenkhat thil tih duh dan hi a demawm takzet a ni," tiin May 2012 aṭanga Liverpool zawmtu manager chu a chhan.
Liverpool fan ṭhenkhatin kir leh tura an duh em em kum 2005 Champions League a Liverpool champion puitu Rafael Benitez hian season tharah a team enkawl lai Serie A club Napoli a chhuahsan dawn.