French-ah Lyon an chak zel

Lyon chuan Paris St-Germain chu na takin an nawr ve zel a, Inrinni zan khan Evian Thonon Gaillard chu 2-0 a hnehin Frenche Ligue 1 hma hruaitu an ni leh rih.

Khelh khata khel tlem zawk PSG nen point 71 ve ve hmu mek mah se an goal difference a ṭhat zawk avangin table-ah hma an hruai mek a ni.

Lyon tan hian midfielder Clement Grenier chuan free-kick aṭangin an hmahruaina goal a khung bakah striker Alexandre Lacazette chuan penalty aṭangin an goal hnihna a thun bawk.

Pathianni zan inkhelah PSG-in Nantes an hneh a nih chuan Ligue 1 hmahruaitu hi an inthlak leh nghal ang. Match khelh tur a tam tawh lo a, champion tum a inum palian pahnih inum boruak a sang hle.