Mohun Bagan chak zo lo

I League hmahruaitu Mohun Bagan-in Inrinni zan khan Leoihaorungbam Singh hmangin Mumbai FC an draw hram a, mualneitu Mumbai hian Reisangmi Vashum hmanga an hmahruaina chu an humhim zo lo. Jeje Lalpekhlua'n match zawnin starting eleven a chang a, point khat an hlawhchhuah avangin khelh zat inangah Kolkata club hi champion lai Bengaluru aiin point liin an sang zawk.

Inkhel dangah Shillong Lajong-in Guwahati-ah Uilliams Bomfim, Khelemba Singh leh Cornell Glenn te goal hmangin Dempo 3-0 in an hneh a, Lajong tan Zodingliana Ralte-in bul a ṭan. Sporting Goa-in Bharat FC 2-0 in an hneh bawk.