Roger Federer-a'n Istanbul Open final a lut

Kum 33-a upa Roger Federer-a'n a la chuai lo tih tilangin Inrinni khan Istanbul Open semi final-ah Diego Schwartzman chu 2-6 6-2 7-5 a hnehin final a lut.

Swiss tennis star hian final-ah semi final lehlama second seed Grigor Dimitrov 6-2 6-4 a hnehtu Pablo Cuevas a tum ang.

A career title 85 na lak tuma inpuahchah mek Federer chuan, "Bul ṭan tir lama ka khelh ṭhat loh avangin chak turin hun ka duh rei deuh a ni. Mahse, ka insiam ṭhat vat avangin ka chak leh thei a, ka lawm hle,"a ti.