Aizawlah ‘Red Bull Tlang Ruam’

India rama a vawi khat nan Red Bull Tlang Ruam hmangin Urban Downhill Mountain Biking Event neih a ni dawn a, inelna hi Aizawlah nghah tur a ni - tun kar tawp October 25-26, 2024 hian tlan a ni ang.

Urban Downhill hi Mountain Biking chi khat, hmun awih leh ram leilung bumbauh takah te neih ṭhin niin, ruam leh lung hmun bakah hmun hlauhawm leh harsa tak tak karah tlan ṭhin a ni.

Aizawlah pawh hian Upper Repubic Presbyterian Biak In bul aṭanga tlan ṭanin Republic Vengah an tlan thla ang a, Hawla Indoor Stadium, Republic Vengthlang thleng an tlan dawn. Inelna neih a nih dawn avang hian lirthei tlan dan pawh tih danglam a ngai hial.

Red Bull Tlang Ruamah hian sawm bik mi 25 ten inelna an hmachhawn dawn, a hmunah hian Czech Republic, Chile leh Argentina aṭangin endiktu an rawn kal dawn a, intihsiaknaa pakhatna chu South America lama neih tur Red Bull Cerro Abajo-ah a inlan thei dawn a ni.

Tun ṭuma Red Bull Tlang Ruam neih tur hi Mizoram sorkar bakah Hyundai te thawhhona hnuaia neih tur a ni ang.

Tlan Kawng

Upper Republic Presbyterian Biak In bul – Khurpui Lane/Council Road – Holy Heart School/Mualpui Road – Vawmluta Steps – Republic Veng Community Hall panin – Republic Veng Biak In – R. Challiana Step panin – Biak in Mual Step – Vei lama panin Republic Vengthlang Road-ah kal zelin BCM Vengthlang Biak in lamah – BCM Biak In aṭangin Hawla Stadium step chhoah – Hawla Indoor Stadium-ah a tawp ang.